Folk og røvere i Kardemomme by – Riksteatret

Det blir fest i Kardemomme by. Og du er invitert!

I Kardemomme by bur gamle Tobias, pølsemakaren, trikkeførar Syversen og barberar Sørensen. Tommy og tante Sofie og vesle Kamomilla. Og politimester Bastian som aldri har lyst til å arrestera nokon. Rett utanfor byen bur det tre røvarar som heiter Kasper, Jesper og Jonatan. Dei har også lyst til å vera med.

Har du hugsa å vaska øyrene dine? Då kan du trygt ta med deg barna på Riksteatret si oppsetjing av Folk og røvere i Kardemomme by – ei teaterframsyning full av energi, humor, dans og masse musikk. Du vil møta ein frekk papegøye, ein talande kamel og ei løve som er glad i melkesjokolade. Bli med inn i Egner si verd og opplev den magiske teaterstemninga i kulturhuset der du bur. Røvarane gler seg til å helsa på barna som kjem på besøk.

Med Kim Haugen i registolen og eit ensemble fylt av unge, nye talent ynskjer me å inkludera ein ny generasjon i vår felles kulturarv. Ja, me elskar Thorbjørn Egner!


«Kardemomme bys lune og koselige univers er særdeles godt ivaretatt (…) et lite pusterom i vår «disney­fiserte» verden.»
 – Vårt Land 

«Riksteatret holder det de lover, og det er jo det vi vil ha»

 – NRK

«Røverne er trivelige og tante Sofie er herlig bitchy (…) Regissør Kim Haugen har vektlagt en fin, lun tone med en lekenhet og musikalitet som egner seg helt klart for nokså små barn.»

 – VG 

«både koselig og morsom i Kim Haugens regi»
 – Aftenposten


Premiere i Nydalen, Oslo 2. november 2017. Turnépremiere på Nøtterøy 7. november 2017. På turné med Riksteatret til 70 stadar over heile landet.

PÅ SCENEN
Øyvind Boye Hansen Løvold, Mathias O’Wiidt Luppichini, Mikkel Niva, Mats Holm, Carina Furseth, Tor Ivar Hagen, Theodor Hellwig, Jan Huse, Siren Jørgensen, John Sigurd Kristensen, Morten Røhrt, Jonas Rønning, Jon Rørmark, Erik Aleksander Schjerven, Lars Helge Throndsen, Linda Tørklep og Olli Wermskog.

TEAM
Regissør: Kim Haugen. Kostymedesigner og scenograf: Siri Langdalen. Musikalsk ansvarleg: Ket Iren Lødemel. Koreograf: Thea Bay. Lysdesigner: Cathrine Godager

Framsyningslengd: 2 timar (inkludert pause)

Riksteatret i samarbeid med Hålogaland Teater


PS – etter framsyninga kjem røvarane opp i foajéen for å helsa på barna!

Billettar til Folk og røvere i Kardemomme by – Riksteatret

Vis hele programmet
_
_
_