Også i år skal Lisa Stokke, som skapte rolla som dottera Sophie i ein av dei mest suksessrike musikalane i historia; Mamma Mia, ut på ein ny turnérunde!

I løpet av 9 konsertar hausten 2023 såg nesten 3000 nordmenn «Lisa loves ABBA», der ein får høyre låtar som The Winner Takes It All, Dancing Queen, Mamma Mia, Fernando, Gimme Gimme Gimme og mange fleire av songane som betyr så mykje for oss alle.

«Lisa loves ABBA» tek publikum med på ei reise gjennom Lisas eigen oppvekst som lidenskapeleg ABBA-fan. Gjennom sin heilt unike erfaring av å bli valt ut og jobbe personleg med Björn Ulveus og Benny Andersson i ABBA-musikalen, skaper Lisa og bandet ein musikalsk fest-atmosfære som tek publikum tilbake til ABBAs storheitstid. Små anekdotar frå hennar opplevingar med ABBA blir servert gjennom konserten, og publikum vil bli rivne med i eit show som garantert vil gi varig inntrykk.

Vi ser fram til ei fantastisk konsertoppleving med Lisa Stokke og bandet, og ønskjer alle hjarteleg velkomne til ei uforgløymeleg ABBA-hyllest!

Praktisk info

Kulturhuskaféen er open ein time før show. Her kan du kjøpa vafler, is, pizza, rykande varm kultur-rull m/ost eller potet, samt eit utval av søte og gode bakverk. For meir info om serveringa: https://bomlokulturhus.no/kulturhuskafeen-er-open-lt58agp/