Bømlo kunstlag si sommarutstilling 2025 er med kunstnaren Marius Martinussen.

Martinussen vil vera til stades på opninga av utstillinga torsdag 26. juni kl 18.00.

Marius Martinussen (f. 1978, Kristiansand) er utdanna ved Kunstakademiet i Helsinki og Kunstakademiet i Trondheim. Han bur og arbeider no i Oslo.
Martinussen er representert i en rekke offentlige samlinger, blant annet Norsk Kulturråd, Statoil, Rederiforbundet, Norges Bank, Kunst på arbeidsplassen, Haugesund Kunstmuseum og Trondheim kommune.

Overflater og Undersystemer

Utstillinga Overflater og undersystem presenterer nye og eldre arbeid av Marius Martinussen. Gjennom abstrakte komposisjonar utforskar Martinussen forholdet mellom det synlege og det underliggjande – fargeflater, geometriske strukturar og rørsle i linjer vert sette i spel mot system som peikar utover det reint visuelle.

Utstillinga er tredelt: Eit sett arbeid tematiserer prismer og strukturelle former, ei serie mindre verk byggjer på det gyldne snitt og harmoniske proporsjonar, medan dei nyaste arbeida kombinerer organiske overflater med kalligrafiske, nesten musikalske strekar. Felles for alle arbeida er ein interesse for korleis matematiske prinsipp og prosessbasert tenking kan ta form i måleriets språk.

Gjennom airbrush-teknikk og presisjonsarbeid opnar Overflater og undersystem for refleksjon kring tid, rom og det som ligg bak det vi ser.

I kunstnarskapet til Martinussen står den formale abstraksjonen i fokus. Gjennom ei lang rekkje måleriseriar har han dei siste femten åra utforska moglegheitene som abstraksjon gjev – både for måleriet i seg sjølv, men òg i møte med den som ser det. Frå tidlegare å ha kombinert fleire måleriske uttrykk, har Martinussen dei seinare åra rørt seg mot eit reinare formspråk og eit ønskje om å foredla dette.

__________________
Kunstutstillinga finn du i dansesalen i Bømlo kulturhus frå 26. juni til 11. august. 
Opningstider:
Tirsdag - torsdag kl 10 - 16
Fredag kl 10 - 15
Laurdag kl 10 - 14