Konsert for aldersgruppen: 13 - 23 år. 

250 billettar ligg på ope billettsal. 100 billettar er reservert til deltakarar på workshop i regi av ungdomsrådet hausten 2025. Informasjon om dette kjem når skuleåret startar. 
------------------------------------------------------------------------------------------------------------------------------------

Om artisten:
Tobias Sten frå Stord starta sitt eige countryband allereie som 12 åring, og har opptrådt sidan. Han lenar seg mot singer- songwritersida av countrymusikken og hentar inspirasjon frå Zach Bryan, Jason Isabell og Watchhouse. 

Med sine personlege tekstar om oppvekst på bygda og sterke formidlingsevne, er Tobias eit friskt pust i norsk musikk som gir den nye generasjonen ei countrystemme på stordamål.

Sidan den offisielle debuten med Universal har Tobias Sten fått ei overveldande positiv mottaking. Sommaren 2025 spelar han på store festivalar og scener rundt i Noreg og 18. oktober kjem han til Bømlo kulturhus som duo, når Bømlo Ungdomsråd arrangerer markering av Verdensdagen for psykisk helse. 

Denne konserten er retta mot ungdom mellom 13-23 år. 

Meir program for dagen kjem.  

Verdendagen for psykisk helse

Årets tema for verdensdagen er: Vi trenger å styrke vår psykiske beredskap og handlar om korleis me kan ta vare på oss sjølv og kvarandre når uroen i samfunnet brer seg. Å kome saman til ei felles kulturell oppleving, er del av den psykiske beredskapen i samfunnet, difor er det ekstra meiningsfullt at ungdomsrådet inviterer til eit samlande arrangement i kulturhuset.